यस पटकको गोवर्द्धन पूजा मंगलबार बिहान परेको छ । यस पूजाको शुरुवात भगवान श्रीकृष्णले गरेका थिए । गोवर्द्धन पूजालाई प्रकृतिको आधारका रूपमा गोवर्द्धन पर्वतको पूजा गरिन्छ । साथै समाजका आधारका रुपमा गाई तथा गोरुको पूजा हुन्छ । यदि तपाई गोवर्द्धन पूजा गर्दै हुनुहुन्छ भने यी कुरामा अनिवार्य ध्यान दिनुहोला ।

१. गोवर्द्धन पूजा बन्द कोठा भित्र गर्नहुँदैन । साथै अनिवार्य भगवान कृष्णको पूजा गर्नुपर्छ ।
२. पूजाका क्रममा फोहोर कपडा लगाउनु हुँदैन। पूजा गर्दा नुहाएर सफा हुनुपर्छ ।
३. परिवारका सबै सदस्यले एकसाथ गोवर्द्धन पूजा गर्नुपर्छ ।
४. पूजनमा सम्मिलित हुने ब्यक्तिले कालो रंगको कपडा धारण गर्नहुँदैन । हल्का पहेलो रंगको कपडा पहिरिनु उत्तम हुन्छ ।
५. गोवर्द्धन पूजा गर्दा गाई, रुख, जीवजन्तुलाई कुनै प्रकारले सताउनु वा हानी गर्नहुँदैन ।
६. गोवर्द्धन पूजाका क्रममा हुने परिक्रमामा जूत्ता, चप्पल लगाउनु हुँदैन।
७. गोवर्द्धन पर्वतको प्रतिमा बनाई परिक्रमा थालेपछि कहिल्यै अधुरो छाड्नु हुँदैन।
८. परिक्रमाका क्रममा धूम्रपान, मद्यपान वा नशालु पर्दाथको सेवन गर्ने ब्यक्ति सामेल हुनहुँदैन ।