काठमाडौं– राप्रपा अध्यक्ष कमल थापाले घाईते भएपछि खेल छाडेका छन् । राप्रपा अध्यक्ष थापा चीनको सेन्जेन शहरमा शुक्रबारदेखि सुरु भएको आइटीएफ सेन्जेन इन्टरनेसनल सिनिएर सर्किट टेनिस प्रतियोगिताको दोस्रो खेलमा घाइते भएका हुन् ।

पिंडौला र तिघ्राको मांसपेशिमा एकैसाथ गंभीर समस्या भएकाले जितिरहेको खेल थापाले बीचैमा छाडेका हुन् । भारतका अभिजित भारद्वाजलाई पहिलो सेटमा जितेपछि दोस्रो सेटमा ३ –० ले जितिरहेको अवस्थामा मांसपेशिमा समस्या देखिएको थियो ।

सो सेट ६–३ मा गुमाएका थापाले रिटायर्ड हर्ट भएर तेस्रो सेट खेल्न सक्ने अवस्था नभएपछि खेल परित्याग गरेका हुन् ।

राप्रपा सहायक महामन्त्री राजाराम बर्तौलाका अनुसार थापा घाइते भएपछि पहिलो दुई सेट २ घन्टा ३५ मिनेट लामो समयसम्म चलेको थियो ।