अमेरिकाले आतंकवादी संगठन इस्लामिक स्टेट (आईएस)का प्रमुख अबु बकर अल बग्दादी मारिँदाको भिडियो सार्वजनिक गर्न सकिने जनाएको छ ।

अमेरिकी राष्ट्रपति डोनाल्ड ट्रम्पले पत्रकार सम्मेलनमार्फत बग्दादी मारिँदाको भिडियो पनि सार्वजनिक गर्न सकिने जनाएको छ ।

बग्दादी मारिएको विषयमा केही देशबाट आशंका व्यक्त भइरहेका बेला ट्रम्पले भिडियो नै सार्वजनिक गर्ने बताएका हुन् ।

अमेरिकाको विशेष सुरक्षा बलको अपरेशनका दौरान यहि शनिबार गरेको अपरेशनका दौरान विश्वका १ नम्बर आतंककारी अबु बकर अल बग्दादी मारिएका थिए ।

राष्ट्रपति ट्रम्पले अपरेशनका मुख्य घटनालाई समेटिने गरी भिडियो सार्वजनिक हुन सक्ने बताए । यद्यपि भिडियो सम्पादन गरेर सार्वजनिक गरिने ट्रम्पको भनाइ छ ।

ट्रम्पले उत्तर–पश्चिमी सिरियामा विशेष सुरक्षा बलले बग्दादीविरुद्ध चलाएको अपरेशनको लाइव प्रसारण हेरेका थिए ।

ट्रम्पले आइतबार पत्रकार सम्मेलन गर्दै बग्दादी मारिएको घोषणा गरेका थिए ।