इङ्ग्लिस प्रिमियर लिग फुटबलअन्तर्गत टोटनह्यामविरुद्धको खेलमा चोट लागेका कारण ‘रेस्ट’मा रहेका लिभरपुलका फरवार्ड मोहमद सलाह पुनः प्रशिक्षणमा फर्किएका छन् ।

आइतबार राति टोनटनह्यामविरुद्धको खेलमा सलाह चोटिल हुन पुगेका थिए । उक्त खेलमा लिभरपुलले २–१ को जीत निकालेको थियो ।

आइतबार चोटिल भएका सलाह सोमबार नै टिमको प्रशिक्षणमा फर्किएका हुन् । यद्यपि, चोटका कारण टोटनह्यामविरुद्धको खेलमा भने उनी पूरै समय मैदानमा रहेनन् ।

टोटनह्यामविरुद्ध पेनाल्टीमार्फत १ गोल गरेका सलाह खेलको ८५ औं मिनेटमा सब्सिच्यूड भएका थिए ।

घरेलु मैदानमा भएको खेलमा चोट बोकेका सलाह केही दिन रेस्टमा रहन सक्ने अनुमान गरिएको थियो ।

तर, लिभरपुलले भने उनको चोट सामान्य रहेको र बाँकी खेलका लागि सलाह फिट रहेका जनाएको छ ।