चितवन– नेपाली कांग्रेस चितवनले ज्ञानेन्द्र शाहीमाथि शनिबार भएको आक्रमणलाई सत्ता र शक्तिको आडमा दमन भएको जनाएको छ ।

नेपाली कांग्रेस चितवनका सभापति जितनारायण श्रेष्ठले विज्ञप्ति जारी गर्दै शाहीमाथि नेकपाका कार्यकर्ताहरुद्वारा कुटपिट भएको घटनाको भर्त्सना गरेका छन् ।

शान्तिपूर्णरुपमा असहमति राख्न पाइने संविधान प्रदत्त अधिकार हुँदाहुँदै पनि संवैधानिक अधिकार कुण्ठित हुने गरी आक्रमण गर्नु निन्दनीय भएको विज्ञप्तिमा जनाइएको छ ।

कांग्रेसले हरेक व्यक्तिको विचारमाथि सहमति र असहमति दुवै राख्न पाइने संवैधानिक व्यवस्था हुँदाहुँदै सत्ता र शक्तिको आडमा विचारलाई दबाउन खोज्नु लोकतन्त्रमाथिको आक्रमण भएको जनाएको छ ।

यस्तो छ विज्ञप्ति