नेपाली महिलाहरुको महान चाड नजिकिँदैछ । यो पर्वमा मीठो मिसिनो खानेकुरा तयार पारेर आपसी खुसीयाली साट्दै बसेर खाने गरिन्छ । त्यसैले तीजको दरका लागि चाहिने एक तत्त्व फलफूलको सलाद महत्त्वपूर्ण हुन्छ ।

फलफूलको सलाद बनाउन चाहिने सामान

भुइँकटहरको टुक्रा १ सय ग्राम, स्याऊको टुक्रा १ सय ग्राम, केराको टुत्रा १ सय ग्राम, काँक्रा १ सय ग्राम, गोलभेंडा १ सय ग्राम, भेंडेखुर्सानी ५० ग्राम, अनारको दाना ५० ग्राम, मायोनेज सस आधा कप, मरिचको धूलो तथा नुन स्वादअनुसार।

कसरी तयार पार्ने ?

विधि : माथि उल्लेख गरिएका सबै सामग्रीलाई एउटा भाँडामा राखेर फलफूल नलत्पतिने गरी हल्कासँग चलाउने। मायोनेज सस चारैतिर लागिसकेपछि नुन तथा मरिच छर्कने। यसरी तयार गरिएको सलादलाई एक घन्टा फ्रिजमा राख्ने। यो परिकार खानासँगै वा खाना खाइसकेपछि डिजर्टका रूपमा खान सकिन्छ।