काठमाडौं– सरकारी स्वामित्वमा रहेको दूर सञ्चार सेवा प्रदायक कम्पनी नेपाल टेलिकमको गुणस्तर खस्किएको सन्दर्भमा नागरिक अगुवाहरुले खबरदारी सभा गर्ने भएका छन् ।

नागरिक अधिकार अभियानको आह्वानमा शुक्रबार (भोलि) भद्रकालीस्थित नेपाल टेलिकमको मुख्य कार्यालय आगाडि खबरदारी सभा गर्न लागिएको हो ।

नेपाल टेलिकमको खस्किँदो तथा गिर्दो अवस्था, दूरसंचार क्षेत्रमा हुने बेथिति तथा भ्रष्टाचार र नागरिक अधिकारको विषयमा गैर राजनीतिक नागरिक खबरदारी तथा सचेतना कार्यक्रम गर्न लागिएको आयोजकले जनाएको छ ।

खबरदारी सभामा डा. सुरेन्द्र केसी, सुकदेव भट्टराइ, वरिष्ठ अधिवक्ता ज्योति बानियाँ, पूर्व मिस नेपाल सुबिन लिम्बु, नागरिक अभियन्ताहरु हरिराम रिमाल, ज्ञानेन्द्र शाही लगायतले धारणा राख्नेछन् ।

खबरदारी सभामा सहभागी हुन सम्पूर्णमा आयोजकले आह्वान गरेको छ ।