मुम्बई – सुनील ग्रोवरसँग झगडा परेपछि विवादमा फसेका भारतीय कमेडीयन कपिल शर्मालाई सलमान खानले साथ दिए । र, उनी कपिल शर्मा शो का निर्माता पनि बने ।

अहिले कपिल शर्माको यो शोले दर्शकको साथ पाएको छ । यो शो टीआरपीका हिसाबले उत्कृष्ट दशमा परेको छ । खबर आएको छ कि, कपिल शर्मा अहिले यो शोको निरन्तरतामा लागेका छन् र उनी विवादबाट पनि टाढा छन् ।

कपिलको शोमा निर्माता बनिरहेका सलमानले कपिललाई फेरि विवादमा नआउन र पहिलेजस्तो मूर्खता नदोहो–याउन सुझाव दिएका छन् । यता कपिल शर्माले पनि सलमान खानजस्ता निर्माता गुमाउन चाहेका छैनन् ।

कपिल शर्माको करिअरको एक दौरान यस्तो पनि थियो, जब लाग्थ्यो कि, उनी अब विवादबाट टाढा बस्न तयार नै छैनन् । फ्लाइटमा सुनील ग्रोबरसँग भएको लडाइँपछि कपिल शर्माको करिअरमा उतारचढाव आएको थियो । जसका कारण कपिलले कैयन् तनावपूर्ण स्थितिको पनि सामना गर्नुप–यो ।