एजेन्सी– दक्षिण कोरियामा एक महिलाले ७७ वर्षको उमेरमा मोडलिङ थालेर चर्चा कमाएकी छिन् ।

चोई सुन नाम गरेकी ती महिलाले रहरले भन्दा पनि बाध्यताले आफू मोडलिङमा लागेको बताएकी छिन् । एउटा अस्पतालमा काम गर्ने उनी ऋणमा डुबेपछि कर्जा उतार्न मोडलिङमा लागेकी हुन् ।

जब उनले टिभीमा धेरै मोडलहरुले विज्ञापन गरेको देखिन्, तब उनलाई पनि आफूले पनि कुनै मोडलिङ गर्नु पर्ने याद आयो। त्यसैले अहिले उनी दक्षिण कोरियाको फेसन सिम्बोल बनिसकेकी छिन् । यो सबको श्रेय उनले गर्ने गरेको मोडलिङलाई जाने गरेको छ ।

सियोल फेसन विकमा ¥याम्पमा वाक गरेपछि उनी चर्चामा आएकी हुन् । खासमा चोईको जीवन निकै संघर्षपूर्ण रहेको थियो । पतिले उनलाई छोडिदिएपछि उनले आफ्ना बच्चाहरु पाल्न निकै संघर्ष गर्नु मात्र परेन, दैनिक घन्टौँ काम पनि गर्नु पर्ने भयो । यो सबको कारण उनले चुकाउनु पर्ने चर्को ऋण थियो ।

‘काम गर्दा मैले खाना खाने पैसासमेत हुँदैनथ्यो,’ उनले भनेकी छिन्, ‘त्यसैले जीवन बदल्न मैले मोडलिङलाई छानेँ ।’ उनले आफूले मोडलिङ सुरु गरेपछि जीवन सहज हुन थालेको बताएकी छिन् ।