काठमाडौं- सकारले जनता आवास निर्माण अन्तर्गत ३० हजार घर निर्माण गर्न ४ अर्ब ३० करोड रुपैयाँ बिनियोजन गरेको छ ।

नागरिकको मौलिक हकका रुपमा रहेको अतिरिक्त आवासको हक सुनिश्चित गर्न जनता आवास, सुरक्षित आवास, वस्ती स्थान्तरण लगायतका कार्यक्रमहरु अगाडी बढाउने भएको छ ।

सरकारले काठमाडौं उपत्यकामा मेट्रो र मोनोरेल सञ्चालनसम्बन्धी कार्य अगाडि बढाउन आगामी आर्थिक वर्षका लागि ७ अर्ब ७० करोड रुपैयाँ बिनियोजन गरेको छ ।

बुधबार संघीय संसदमा आगामी आर्थिक वर्षको बजेट प्रस्तुत गर्दै अर्थमन्त्री डा. युवराज खतिवडाले काठमाडौं उपत्यकामा तथा देशका अन्य शहरमा मेट्रो तथा मोनो रेलको संभाव्यता अध्ययन गर्न बजेट विनियोजन गरिएको बताए ।