शास्त्रमा मित्र, पत्नी तथा सेवक तीनै व्यक्तिको महिमा उल्लेख गरिएको छ । तर केही परिस्थितिमा भने यी व्यक्ति समस्याको कारण पनि बन्न सक्छन् । गरुड पुराणमा मित्र, पत्नी र सेवकबारे उल्लेख छ । जो हरेक व्यक्तिको जीवनमा आवश्यक हुन्छ । यद्यपि, उनीहरुको स्वभाव तथा व्यवहार गलत खालको छ भने जीवनमा सुख-शान्ति आउनुको सट्टा त्यसले मानिसलाई बर्बाद पनि गर्न सक्छ ।

दुष्टा भार्या शंठ मित्र भृत्यश्योत्तरदायकः ।
ससर्पे च गृहे भासो मृत्युरेव न संशयः ।।

यो श्लोकको अर्थ हुन्छः दुष्ट स्वभावकी पत्नी, मुर्ख मित्र, ओठे जवाफ फर्काउने नोकर र सर्पको जहाँ बास हुन्छ । त्यस घरमा रहने व्यक्तिको मृत्यु निश्चित हुन्छ । यसमा कुनै शंका छैन ।

मित्रता एक यस्तो सम्बन्ध हो । जसलाई हामी आफै छनौट गर्छौं । यदि मित्र छान्ने कुरामा तपाईं कतै चुक्नु भयो भने जीवन बर्बादको कारण बन्न सक्छ । असल मित्रले तपाईंको समस्यामा जसरी साथ दिन्छ, त्यसैगरी मतलबी मित्रले तपाईंलाई आफ्नो फाइदाका लागि कुनै पनि समस्याा पार्न सक्छ । स्वार्थी मानिसका लागि आफ्नो स्वार्थभन्दा माथि अरु केही हुँदैन ।