एक प्रक्षेपणले बिहीबारदेखि सुरु हुन लागेको विश्वकप क्रिकेट इङ्ग्ल्यान्डले जित्ने आकलन गरेको छ ।

बीबीसीले गरेको प्रक्षेपण अनुसार सन् २०१९ को विश्वकप क्रिकेट ट्रफी घरेलु टोली इङ्ग्ल्यान्डले जित्ने अनुमान गरिएको छ ।

जसमा बीबीसीले विभिन्न देशका पूर्व क्रिकेटरहरुसँग कुरा गरेको छ । इङ्ग्ल्यान्डले विश्वकप ट्रफी उचाल्ने अनुमान लगाइरहँदा भारत, अस्ट्रेलिया र पाकिस्तान शीर्ष चार टोलीमा पर्ने कतिपयले अनुमान लगाएका छन् ।

प्रक्षपणमा सहभागीमध्ये १३ जनाले इङ्ग्ल्यान्डले ट्रफी घरेल मैदानमा उचाल्ने बताएका छन् भने २ जनाले भारले विश्वकप जित्ने अनुमान लगाइरहँदा अस्ट्रेलिया र दक्षिण अफ्रिकाले विश्वकप जित्ने मात्रै एक–एक जनाले बताएका छन् ।

विश्वकप क्रिकेट इङ्ग्ल्यान्ड र वेल्सले संयुक्त रुपमा आयोजना गर्दैछन् । जसको सम्पूर्ण तयारी भइसकेको आईसीसीले जनाइसकेको छ ।

यस्तै, विश्वकपको अभ्यास स्वरुप भएका वार्म अप खेल पनि मंगलबार नै समापन भइसकेका छन् ।

दी ओभल लण्डनमा बिहीबार उद्घाटन आयोजक इङ्ग्ल्यान्ड र दक्षिण अफ्रिकाले प्रतिस्पर्धा गर्दैछन् ।