काठमाडौं-प्रधानमन्त्री केपी शर्मा ओली भारतको औपचारिक भ्रमणका लागि बिहीबार दिल्ली जाने भएका छन् । भारतका नवनिर्वाचित प्रधानमन्त्री नरेन्द्र मोदीको शपथग्रहण समारोहमा भाग लिन उनी बिहीबार नयाँदिल्ली जाने भएका हुन् । मोदीले शपथ ग्रहण समारोहमा सहभागी हुन दिएको निम्तो स्वीकार गर्दै प्रधानमन्त्री ओली भारत जान लागेका हुन् ।

नयाँदिल्लीमा रहँदा ओलीले भारतका उच्चस्तरका नेता तथा अधिकारीहरूसित भेटवार्तासमेत गर्ने जानकारी परराष्ट्र स्रोतले दिएको छ । उनी शुक्रबार स्वदेश फर्कने छन् । मोदीको अघिल्लो कार्यकालको शपथग्रहण समारोहमा तत्कालीन प्रधानमन्त्री सुशील कोइराला सहभागी भएका थिए ।

मोदीको शपथग्रहण बिहीबार साँझ ७ बजे भारतीय राष्ट्रपतिभवनमा हुँदैछ। ओली र मोदीबीच द्विपक्षीय वार्ता शुक्रबार बिहान हैदराबाद हाउसमा तय भएको छ। ‘