बंगलादेश– सन् २०१६ मा बंगलादेशको राजधानी ढाकामा भएको बम आक्रमणमा संलग्न रहेकामध्ये दुई संदिग्ध सुरक्षाकर्मीको कारवाहीमा मारिएका छन् । सुरक्षाकर्मीको कारवाहीमा राजधानी ढाकाको मोहम्मदपुरमा रहेको एक घरमा लुकेर बसेको अवस्थामा दुई संदिग्धको मृत्यु भएको प्रहरीले जनाएको छ ।

त्यस स्थानमा जमात अल मुजाहिद्दिन बंगलादेशका लडाकु लुकेर बसेको गोप्य सूचनाका आधारमा छापा मारिएको र सोही कारवाहीमा उनीहरु मारिएका हुन् । प्रहरीले त्यस घरका मालिकलाई गिरफ्तार गरी सोधपुछ चलिरहेको जनाएको छ ।

सन् २०१६ मा ढाकाको एक क्याफेमा बन्दुकधारी पसेर मानिसहरुलाई बन्दी बनाइ गोली हानी अधिकांश विदेशी पर्यटकसहित २२ जनाको ज्यान गएको थियो ।

आक्रमणको जिम्मा आतंकवादी संगठन इस्लामिक स्टेटले लिएपनि बंगलादेशी अधिकारीले भने आक्रमणमा जमात अल मुजाहिद्दिन बंगलादेशको हात रहेको बताउँदै आएका छन् ।