काठमाडौं– नेपाली कांग्रेसको केन्द्रीय अनुशासन समितिले गत चैत मसान्तसम्म देशभरबाट प्राप्त करिब १२ सय उजुरीको पोको खोल्न शुरु गरेको छ ।
समितिले देशरभरबाट प्राप्त उजुरीलाई आइतवारको बैठकबाट खोल्न शुरु गरेको हो ।
करिब १२ सयको हाराहारीमा उजुरी प्राप्त भएको र त्यसलाई खोल्न शुरु गरिएको समितिका संयोजक भीष्मराज आङ्दम्बेले बताए ।
‘आइतबारको बैठकबाट हामीले उजुरी हेर्न शुरु गरेका छौं’ उनले भने, ‘अब उजुरीहरुका बारेमा अध्ययन हुन्छ र त्यसपछि हामीहरुले प्रमाणको खोजी गर्छौं ।’
धेरै जसो उजुरीहरुमा स्थानीय तह तथा प्रदेश र प्रतिनिधिसभाको निर्वाचनमा पार्टीले तोकेको आधिकारिक उम्मेदवारमाथि भएको अन्तर्घातका गुनासोहरु रहेका छन् ।
प्रतिक्रिया