बागलुङ– बागलुङमा केही दिन यता अवरुद्ध सडक खुलाउन गएका तीन सैनिक जवान सुख्खा पहिरो खस्दा घाइते भएका छन् । काठेखोला गाउँपालिका–८ लेखानीदेखि वडा नं ५ कर्लिम जाने सडक खुलाउन गएका तीन सैनिक जवान घाइते भएका हुन् ।
सडक तीन दिनदेखि अवरुद्ध थियो । स्थानीयको आग्रहपछि सेनाको टोली बाटो खुलाउन त्यसतर्फ गएको थियो । सेनाको अर्जुनबाँण गणबाट खटिएको टोलीका तीन जवान पहिरो खस्दा घाइते भएको गणपति भुवनराज देवकोटाले जानकारी दिए ।
घाइते भएका पहलमान श्रेष्ठ र सन्तोष कार्कीलाई थप उपचारका लागि काठमाडौं पठाइएको छ । अर्का घाइते एक जनाको भने नाम खुलाइएको छैन ।
प्रतिक्रिया