काठमाडौं– नेपालगञ्जमा हुने आठौं राष्ट्रिय खेलकुद बैशाख पहिलो साता हुने भएको छ ।

शुक्रवार बसेको राष्ट्रिय खेलकुद् परिषद् (राखेप) को बोर्ड बैठकले प्रतियोगिता बैशाख ५ गते देखि ११ गतेसम्म सञ्चालन गरी मिति तय गरेको हो ।

नेपालगञ्जस्थित रंगशालामा बन्न लागेको भिआईपी प्याराफिट बन्न समय लाग्ने भएपछि प्रतियानेगिताको मिति अन्योलमा थियो । उक्त अन्योल भइरहँदा मन्त्रालयले राखेपको बोर्ड बैठक बोलाएर मिति तय गरेको हो ।

यसअघि बसेको कार्यकारी समितिको बैठकले चैत २५ गते प्रतियोगिताको उद्घाटन गर्न प्रस्ताव गरेको थियो । सदस्य सचिव केशवकुमार विष्टले पछिल्लो समय एक कार्यक्रममा बोल्दै प्रतियोगिताको चैत २७ मा उद्घाटन हुने बताएका थिए ।

चैत २५ गते भित्र सम्पूर्ण निर्माण कार्य सकिने राखेपले जनाएको छ ।