काठमाडौं– बाराको सिमरास्थित डिभिजन वन कार्यालयका ३ जना कर्मचारी १ लाख १५ हजार रुपैयाँ घुससहित पक्राउ परेका छन् ।

पक्राउ पर्नेमा डिभिजन वन कार्यालय सिमराका कार्यालय प्रमुख (डिभिजन वन अधिकृत) शिवशंकर ठाकुर, सहायक वन अधिकृत गौरीशंकर प्रसाद केसरी र कार्यालय सहयोग रामचन्द्र अधिकारी छन् ।

कवाडी मालसामान सम्बन्धी ठेक्का स्वीकृत गर्न भनेर सेवाग्राहीसँग घुस मागेको घुससहित अख्तियार दुरुपयोग अनुसन्धान आयोगको टोलीले उनीहरुलाई पक्राउ गरेको हो ।

डिभिजन वन अधिकृत ठाकुर र सहायक वन अधिकृ केसरी २५ हजार र कार्यालय सहयोगी अधिकारी ९० हजार रुपैयाँ घुससहित कार्यालयबाटै पक्राउ परेका हुन् ।

पक्राउ परेकामाथि थप अनुसन्धान भइरहेको अख्तियार दुरुपयोग अनुसन्धान आयोगले जनाएको छ ।