काठमाडौं- सरकार गम्भीर भएर काम नगर्दा मानव अधिकार मुद्दा ओझेलमा पर्ने गरेको एक कार्याक्रमका वक्ताले बताएका छन् । आज (शनिबार) जगारण मिडियाले आयोजना गरेको आर्थिक, सामाजिक र सांस्कृतिकसँग जोडिएका अधिकार मुद्दा विषयक एक दिने कार्यशाला गोष्ठीमा बोल्न अधिकांश वक्ताले सरकार मानव अधिकारका मुद्दाप्रति चासो दिएर काम नगरेको बताए । लोकतन्त्र र कानुन राज्यमा मानव अधिकार सुनिश्चित हुनुपर्ने उनीहरुको भनाई थियो ।

सरकारले मानवअधिकारका मुद्दालाई सामान्य समस्याका रुपमा हेर्ने गरेको मानव अधिकार आयोगका अधिकृत जयश्वर चापाँगाईले बताए । पछिल्लो समय मानव अधिकार हनन हुने क्रम बढिरहेको र यस्ता घटनामा सरकारको उपस्थिति कम देखिएको उनको भनाई छ ।

यस्तै, अधिवक्ता राजेश हमालले सरकारले सबै क्षेत्रमा काम गर्ने नागरिकको मानव अधिकारका मुद्दाप्रति गम्भीर काम गर्नुपर्ने देखिएको बताए । मानव अधिकार हननका मुद्दाले सुशासन र विकास जस्ता विषयलाई चुनौती दिइरहेको उनको भनाई थियो ।

सरकारले पछिल्लो समय भइरहेको जातियविभेद, बलात्कार, महिला हिसांका मुद्दाका दोषीलाई कानूनी दायरामा ल्याएर कारबाही गर्न नसकेको कार्यक्रमका वक्ताको आरोप छ ।