काठमाडौं– कर्मचारी सञ्चय कोषले वरिष्ठ प्रवन्धकदेखि सहायकसम्मको पदका लागि ३२ जना कर्मचारी माग गरेको छ ।

कोषले खुला प्रतियोगिताद्वारा स्थायी पदपूर्ति गर्ने गरी कर्मचारी माग गरेको हो ।

कोषले प्रशासन सेवा/समूहअन्तर्गत वरिष्ठ प्रवन्धक पदमा १, प्रवन्धक पदमा १, उपप्रवन्धक पदमा १ जना कर्मचारी माग गरेको छ । यस्तै, उपप्रवन्धक (चाटर्ड एकाउन्टेन्ट) पदमा खुला २ र महिला १ गरी ३ जना कर्मचारी माग गरेको छ ।

कोषले उपप्रवन्धक (वित्त विश्लेषक) पदमा खुला १ र महिला १ गरी २ जना कर्मचारी माग गरेको छ । यस्तै सहायक प्रवन्धक पदमा खुला १०, महिला १, आदिवासी जनजाति २, मधेसी २, दलित १ र अपाङ्ग १ गरी १७ जना कर्मचारी माग गरेको छ ।

यस्तै, प्राविधिक सेवाअन्तर्गत सयहाक प्रवन्धक (कम्प्युटर) मा १ जना कर्मचारी माग गरेको कोषले प्रशासन समूहअन्तर्गत सहयाक पदमा खुला ४, महिला १, आदिवासी जनजाति १, मधेसी १ गरी ७ जना कर्मचारी माग गरेको छ ।

कोषले माग गरेको पदमा अनलाइनमार्फत पनि दरखास्त दिने सकिने जनाइएको छ ।

कोषले माग गरेका पदमा दरखास्त आह्वान भएको मिति (२०७५/१२/१५)देखि २१ दिनभित्र दरखास्त दिन सकिने छ ।