काठमाडौं– अमेरिकाको हावर्ड विश्वविद्यालयमा अध्ययन गर्न गएका नेपाली कांग्रेसका नेता एवं सांसद गगन थापाले कक्षामा फर्कन पाउँदा आफूले युवा महशुस गरेको बताएका छन् ।

२ साताको अध्ययनका लागि अमेरिकाको हावर्ड विश्वविद्यालयस्थित हावर्ड केनेडी स्कुलमा अध्ययन गर्न थापा अहिले अमेरिकामा छन् । उनले त्यहाँ“एक्काइसौं शताब्दीको लागि विश्वव्यापी नेतृत्व र सार्वजनिक प्रशासन“ शीर्षकको कोर्स गर्ने छन् ।

उनले आफूलाई पुन अध्ययन गर्न पाउँदा अत्यन्तै रमाइलो लागेको बताएको नेपालस्थित अमेरिकी दूतावासले जनाएको छ । दूतावासले गगन थापाले अध्ययन गरिरहेको तस्वीर समाजिक सञ्जालमा पोस्ट गर्दै थापाको प्रतिक्रिया समेत राखेको छ ।

‘मलाई युवा रहिरहनु छ र सिकाइ एक यस्तो विषय हो जस्ले युवा रहन सहयोग गर्छ’ थापाले भने,‘सिकाइ तथा कक्षामा फर्कन पाउँदा मैले आफूलाई अत्यन्तै युवा महशुस गरिरहेको छु । एकदमै रमाइलो लागेको छ ।’

नेपाालस्थित अमेरिकी दूतावासले लेखेको छ ‘हामी वहाँलाई रमाइलो सिकाइको कामना गर्दछौं ।’