काठमाडौं– कृषि तथा पशुपन्छी मन्त्री चक्रपाणि खनाललाई प्रधानमन्त्री केपी शर्माले मन्त्री पदबाट हटाएको दुई हप्ता भइसकेको छ ।

खनाल मन्त्री पदबाट हटेपनि उनी नै मन्त्रीको रुपमा मन्त्रालयको वेबसाइटमा रहेका छन् । अर्थात वेबसाइटबाट उनको नाम हटाइएको छैन ।

मन्त्री पदबाट हटेको एक हप्तासम्म पनि उनको नाम मन्त्रालयको वेभसाइटबाट राखिएको छ ।

उनी मन्त्रीबाट हटेर कृषि तथा पशुपन्छी विकास मन्त्रीको रुपमा घनश्याम भुषालले पदभार ग्रहण पनि गरिसकेका छन् । उनले काम शुरु गरेपनि मन्त्रालयको वेबसाइटमा भने नवनियुक्त मन्त्रीको नाम रहेको छैन ।

वेबसाइटमा मन्त्रीको नाम किन परिवर्तन नभएको भन्ने प्रश्नमा मन्त्रालयका प्रवक्ता प्रकाश माथेमाले कामको व्यवस्थताले त्यस्तो हुन गएको बताएका हुन् ।