एजेन्सी– भियतनामको राजधानी हनोईमा उत्तर कोरियाली सर्वोच्च नेता किम जोङ उनसँगको दोश्रो शिखर वार्ता निष्कर्षविहीन भएपछि अमेरिकी राष्ट्रपति डोनाल्ड ट्रम्प निर्धारित समय अगावै अर्थात २ घण्टा अगाडि नै अमेरिका फर्केका छन् ।

यसअघि स्थानीय समय ६ बजे अमेरिका फर्किने भनिएपनि उत्तर किमसँगको शिखर वार्ता निष्कर्षविहीन भएपछि उनी ४ बज्नुअघि नै अमेरिका फर्किनका लागि एअर फोर्स वान विमान चढेका थिए ।

भियतनामबाट ट्रम्प चढेको एअर फोर्स वान वाशिंटन पुग्नुअघि अलास्काको एङ्करेजमा इन्धन भर्न रोकिने बताइएको छ ।

शिखर वार्ता निष्कर्षविहीन भएपनि शुक्रबारबाट उत्तर कोरियाली सर्वोच्च नेता किमको दुई दिने औपचारिक भियतनाम भ्रमण शुरु हुनेछ । किम भने शनिबार उत्तर कोरियाका लागि रेलमार्गबाट प्रस्थान गर्नेछन् ।