काठमाडौं–ताप्लेजुङमा भएको हेलिकोप्टर दुर्घटनामा परी ज्यान गुमाएकाको शव काठमाडौं पठाइएको छ । खराब मौसमका कारण बिहानैदेखि उड्न नसकेको हेलिकोप्टर दिउँसो सवा १२ बजे उडेको सुकेटार विमानस्थल नजिकै रहेको ओम राईले जानकारी दिए ।
राईका अनुसार नेपाली सेनाको हेलिकोप्टरमा राखेर शव काठमाडौं पठाइएको छ ।
दुर्घटनास्थलबाट बुधबार ४ जनाको शव सुकेटार विमानस्थल ल्याइएको थियो । बाँकी ३ जनाको शव आज(बिहीबार)बिहानै विमानस्थलमा ल्याएर मुचुल्का तयार पारी काठमाडौं पठाउने तयारीका साथ विमानस्थलमा राखिएपनि मौसमका कारण हेलिकोप्टर उडाउन नसक्दा शव पढाउन ढिलाई भएको थियो ।
प्रतिक्रिया