काठमाडौं– कोरियाली गाडी उत्पादन कम्पनी साङयोङले नयाँ उत्पादन नेपाली बजारमा लञ्च गरेको छ । काठमाडौंमा मंगलबारबाट शुरु भएको नाडा अटो शोमा कोरियाली कम्पनी साङयोङले मुस्सो ग्रान्ड मोडलको गाडी सार्वजनिक गरेको हो ।

राजधानीको भृकुटीमण्डपमा साङयोङ द अथेन्टिक सटः मुस्सो ग्रान्ड ४ बाइ ४ बेस्ट भ्यालु अवार्ड विजेता, पहिलो पटक यो प्रदर्शनीमा राखिएको छ, जसको उद्घाटन अर्थमन्त्री डा। युवराज खतिवडाले गरेका हुन् ।

नेपाली उपभोक्ताका लागि कार बिक्री खुला गरिएको नेपालका लागि कम्पनीको आधिकारिक विक्रेता आइएमएस मोटर्सले जानकारी दिएको छ । आइएमएसले अटो सोका अवसरमा योसँगै ६ मोडलका कार प्रदर्शनीमा राखेको छ ।

नयाँ उत्पादन नेपाली बजारमा भित्र्याएसँगै साङयोङले विभिन्न अफर समेत सार्वजनिक गरेको छ । आकर्षक मूल्य र उपयोगिताका हिसाबले पनि नेपाली उपभोक्ताबीच यो कार लोकप्रिय हुने विश्वास कम्पनीले लिएको बताएको छ ।

यो कार खरिदकर्ताले एक वर्षको बिमा, एक वर्षको सवारी करसमेत छुट प्राप्त गर्नेछन् । यसैगरी, पाँच वर्षको निःशुल्क सर्भिसिङ्ग, तीन वर्षको वारेन्टी, मासिक सरल किस्ता पनि प्राप्त गर्ने विक्रेताले जानकारी दिएको छ।

साङयोङ मुसो ग्रान्डको सुरुवाती मूल्य ७३ लाख ९९ हजार रुपैयाँ तोकिएको छ । साथसाथै पाँच वर्षे निःशुल्क सर्भिस, निःशुल्क बिमा अनि रु. २५ हजार बराबरको बराबरका पाटपूर्जा ग्राहकहरुलाई प्रदान गर्ने छ ।

साङयोङ कोरियाको चौथौ ठूलो गाडीहरु उत्पाद गर्ने कम्पनी हो । सन् १९५४ देखि सुरुवात गरिएको यस कम्पनीको गाडीहरु आफ्नो आधुनिक स्टाईल अनि उत्कृष्ट प्रदर्शनको लागि चिनिने गर्छन् जसको मुल कारन कम्पनीका दक्ष ईन्जिनियरहरु हुन् ।

उनीहरुका अन्य मोडलहरु जस्तै एसयुभीएस पीकअप ट्रक्स र एमपीभीएस रहेका छन् ।