काठमाडौं –  राजधानीको अनामनगरस्थित मण्डला थिएटरमा नाटक ‘महाभोज’ मञ्चन हुने भएको छ । उक्त नाटकलाई अनुप बरालले निर्देशन गरेका हुन् ।

भदौ १४ अर्थात् आउँदो शनिवारबाट मञ्चन हुने नाटक असोज १२ गतेसम्म चल्नेछ । मण्डला थिएटरका अनुसार सोमबारबाहेक हरेक दिन साँझ ५:१५ मा र शनिबार १ बजे पनि नाटक मञ्चन गरिने जनाइएको छ ।

राजनीतिले समाजलाई कसरी कुरुप बनाउँछ भन्ने विषय प्रस्तुत गरिएको यो नाटकमा रमेश बुढाथोकी, शेखर चापागाईं, राजन खतिवडा, सिर्जना सुब्बा, बुद्धि तामाङ, प्रदीपकुमार चौधरी, विजय बराल, प्रमिला खनाल, सोमनाथ खनाल लगायतले अभिनय गरेका छन् ।

यो नाटक हिन्दुस्तानकी प्रसिद्ध सहित्यकार मन्नु भण्डारीले लेखेकी हुन् । नाटकलाई विप्लव प्रतीकले नेपालीमा अनुवाद गरेका हुन् ।