काठमाडौं- ज्योति विकास बैंक नयाँ शाखा काठमाडौंको महाराजगंजमा शुरु भएको छ । मंगलबार एक कार्यक्रमको आयोजना गरी नयाँ शाखाको उद्घाटन गरिएको छ ।

ज्योति विकास बैंकको नयाँ शाखाको उद्घाटन गर्दै प्रमुख अतिथि पूर्वअर्थमन्त्री डा.रामशरण महतले बैंकिङ्ग क्षेत्रको प्रगति र यसले मुलुकको ढुकुटीमा पुर्याएको योगदान उल्लेखनीय रहेको बताए । बैंकहरुले आधुनिक सेवामार्फत सबै जनता तथा संस्थाहरुलाई सहयोग गरी मुलुकको अर्थतन्त्रलाई अघि बढाउन अग्रसर रहनु पर्ने महतको धारणा छ।

कार्यक्रममा ज्योति विकास बैंकका अध्यक्ष हरि चन्द्र खड्काले विगतका दिनमाझैं ज्योति विकास बैंकले सेवाग्राही र समाजको माग अनुसार ल्याइरहेको सेवा र सुविधालाई निरन्तरता दिने र अझ सुधार उन्मुख रहने प्रतिबद्धता जनाए ।

बैंकका प्रमुख कार्यकारी अधिकृत मनोज कुमार ज्ञवालीले नयाँ शाखामार्फत बैंकिङ्ग सेवा थप विस्तार भएको र जनतालाई बैंकको पहुंच अझ सहज भएको बताए ।

कार्यक्रममा सहभागी काठमाण्डौ महानगरपालिकाका, वडा नं ३ का वडाध्यक्ष दिपक केसीले बैंकलाई स्थानीय स्तरमा गर्नुपर्ने सहयोगका लागि हरेक ढंगले सहयोग गर्ने प्रतिबद्धता जनाए ।

ज्योति विकास बैंकले १०२ शाखा कार्यालय, १ एक्सटेन्सन काउन्टर तथा ४१ वटा ATM मार्फत सेवा उपलव्ध गराउँदै आईरहेको छ भने यसै आर्थिक वर्षमा थप नयाँ शाखा संचालनमा ल्याउने प्रक्रियामा रहेको छ ।

साथै यस आर्थिक बर्ष भित्र नै अन्य थप २५ स्थानबाट समेत ATM मार्फत सेवा प्रदान गर्ने तयारीमा रहेको सूचना अधिकारी मदनकुमार महतले बताए । बैंकले २ लाख ४० हजारभन्दा बढि खाताबाट २९.५० अर्बभन्दा बढि निक्षेप संकलन गरी २० हजारभन्दा बढि ऋणीलाई २६ अर्वभन्दा बढि लगानी गर्न सफल भएको छ ।