नायिका सुरक्षा पन्त पछिल्लो समय चर्चामा रहेकी नायिकामध्ये एक हुन् । पछिल्लो समय यी अभिनेत्रीको शीर्ष भूमिका रहेको फिल्म ‘घर’ प्रदर्शन भयो । यो फिल्ममा उनले गरेको अभिनयको ठीकै चर्चा भयो ।

खासै नबोल्ने, विवादमा आउन नचाहने सुरक्षाले कहिलेकाहीँ कविता पनि कोर्ने गर्छिन् । उनले फिल्म ‘अझै पनि’ बाट नेपाली फिल्म क्षेत्रमा पाइला चालेकी थिइन् । तर उनको चर्चा खगेन्द्र लामिछानेको फिल्म ‘धनपति’ बाट हुन थालेको हो । यो फिल्मबाट उनले राम्रो तारिफ पनि पाइन् ।

सामाजिक सञ्जालमा पनि खासै सक्रिय नहुने सुरक्षा इन्जिनियरिङकी विद्यार्थी हुन् । भिजे हुँदै अभिनय क्षेत्रमा आएकी सुरक्षाको मन परेको फिल्म ‘सुस्केरा’ हो तर यो फिल्म अझै रिलिज भएको छैन ।

सामाजिक सञ्जालमा खासै सक्रिय नहुने सुरक्षा अभिनयका माध्यमबाट दर्शकको मनमा आफ्नो स्थान बनाउन चाहन्छिन् । यहाँ भने हामीले उनले सामाजिक सञ्जालमार्फत सार्वजनिक गरेका केही तस्वीर शेयर गरेका छौँ ।