काठमाडौं– कृषि तथा पशुपंछी मन्त्री चत्रमाणि खनालले तरकारी व्यापारमा गुन्डागर्दी गर्ने कसैलाई नछाडन् कर्मचारीलाई निर्देशक दिएका छन् ।

देशभरका पशु, प्लान्ट र खाद्य क्वारेन्टाइन प्रमुखहलाई आइतवार मन्त्रालयमा बोलाएर मन्त्री खनालले यस्तो निर्देशन दिएका हुन् ।

कृषि मन्त्रालय अन्त‍रगतका सबै निकायसँग भएको छलफलमा मन्त्री खनालले यो क्षेत्रका बिचौलिया अन्त्य गर्ने जस्तोसुकै कदम चल्न पछि नपर्ने बताएका छन् ।

‘तरकारी व्यापारका नाममा गुण्डागर्दी गर्नेलाई छोड्दै नछोड्नुस । कृषि मन्त्रीको हवला दिएर आउनेको काम त झन गर्दै नगर्नुस् ’ मन्त्री खनालले भने, ‘जनताको काममा सहज बनिदिनुस् । अहिले हामीसँग भएका ल्यावलाइ राम्रोसँग चलायौं भने विषादी जाँच गर्न समस्या हुन्न । अरु दुई तीनवटा ल्याव राखिन्छ । चेकजाँच निरन्तर हुन्छ । त्यो आयातितमा मात्र होइन स्वदेशमा उत्पादन भएको उपजमा पनि निरन्तरता दिइन्छ ।’

पशु पन्छी विभागका सचीव प्रकाश माथेमाले सबै तिर समान समस्या रहेको भन्दै त्यस्का लागि अल्पकालीन र दीर्घकालीन योजना बनाएर समाधान गर्नु पर्ने धारण राखेका थिए ।

पशुपन्छी तर्फ ८ वटा क्वारेन्टाइन कार्यालय, स्थायी र अस्थायी गरी २८ वटा चेकपोस्ट छन् भने कृषि तर्फ १५ वटा क्वारेन्टाइन कार्यालय छन् ।