काठमाडौं – आईसीसी एकदिवसीय विश्वकप क्रिकेट अन्तरगतको जारी खेलमा श्रीलंकाले दक्षिण अफ्रिकालाई २०४ रनको झिनो लक्ष्य दिएको छ ।

दी रिभरसाइड दुर्हाममा भएको खेलमा टस हारेर पहिलो ब्याटिङ गरेको श्रीलंकाले तीन बल बाँकी रहँदा सबै विकेट गुमाएर २०३ रन मात्रै बनाउन सक्यो ।

शुरुवातदेखि नै विकेट गुमाएको श्रीलंकाका लागि कुनै पनि ब्याट्सम्यानले ३० रन बटाउन सकेनन् । श्रीलंकाविरुद्ध उत्कृष्ट बलिङ गरेको दक्षिण अफ्रिकाका लागि ड्याने प्रेटोरियसले कसिलो बलिङ गरे ।

श्रीलंकाका लागि अभिष्का फेर्नान्डो र कुसल परेराले समान ३०–३० रन बनाए । यस्तै, धनन्जय डे सिल्भाले २४ रन, कुसल मेन्डीस २३ रन बनाउँदा थिसर परेराले २१ रन बनाए ।

टस जितेर पहिलो फिल्डिङको निर्णय गरेको दक्षिण अफ्रिकाका लागि ड्याने प्रेटोरियसले ३ विकेट लिए भने कागिसो रबाडा र क्रिस मोरिसले समान २–२ विकेट लिए भने आन्दीले फेह्लुक्वायो र जेपी डुमिनीले समान १–१ विकेट लिएका थिए ।