काठमाडौं – अभिनेता आकाश श्रेष्ठ र अभिनेत्री वर्षा राउतको अभिनय रहेको म्युजिक भिडियो सार्वजनिक गरिएको छ । उक्त गीतयुटयुबमार्फत सार्वजनिक गरिएको हो ।
जीवन भोगाइको कथालाई समेटिएको यो गीतमा विरहको भावनालाई सुन्न सकिन्छ । गीतमा जगदिश समालको स्वर छ भने सुरेन्द्र थेगिमले शब्द छ । नारायण सुवेदीको संगीतमा तयार पारिएको यो गीतमा फणिन्द्र राईको संगीत संयोजन रहेको छ ।
गीतको भिडियोमा वर्षा र आकाशसँगै अर्का अभिनेता निराजन प्रधानलाई पनि देख्न सकिन्छ । गीतमा निराजन प्रधानलाई वर्षाका श्रीमानका रुपमा देखाइएको छ ।
यस्तै भिडियोलाई बुद्ध थापाले खिचेका छन् भने विकास धमलाले सम्पादन गरेका हुन् भने भिडियोलाई निकेश खड्काले निर्देशन गरेका हुन् ।
प्रतिक्रिया