काठमाडौं– चलचित्र ‘द डार्क एण्ड लाइट’को एक गीतमा अभिनेत्री मरिष्का पोखरेलले आकर्षक नृत्य गरेकी छिन् । सरस्वती भुजेलको स्वरमा रहेको गीतमा नायिका पोखरेलले ठुम्का लगाएकी हुन् ।
चलचित्रको गीतमा राजेन्द्र थापाको शब्द तथा दीपक शर्माको संगीत डेविड शंकर तथा सरस्वतीको पाश्र्व गायन छ । चलचित्र आगामी भदौ ६ गतेबाट प्रदर्शनमा आउने छ ।
चलचित्रमा पिटर खालिङ र सरस्वती भुजेलसहित सेसुका राई, प्रिन्सा राई लगायतका कलाकारको अभिनय रहेको छ । हालै चलचित्रको सम्पूर्ण छायांकन सकिएको निर्माण पक्षले जानकारी दिएको छ । चलचित्रलाई राजु अर्याल, पिटर खालिङ तथा सरस्वती भुजेलले निर्देशन गरेका हुन् ।
प्रतिक्रिया