काठमाडौं- गीतकार सर्बेन्द्र अधिकारीको ‘नजरमा लुकाउँ कि’ गीतको म्युजिक भिडियो सार्वजनिक भएको छ ।
बेलायतमा बसेर पत्रकारिता गरिरहेका संजयभक्त कँडेलले गीतमा अभिनय गरेका छन् । लन्डन आसपासका क्षेत्रमा छांयाकन गरिएको गीतको भिडियोमा संजयलाई निरु कोइरालाले साथ दिएकी छिन् । सुनिल राईको संगीत रहेको गीतमा शब्द र स्वर भने सर्बेन्द्र अधिकारीले नै दिएका छन्। गीतमा प्रेमिल भाव देखाइएको छ ।
प्रभु गुरुङको निर्देशनमा तयार भएको भिडियो निकै आकर्षक बनाइएको छ । बुढासुब्बा डिजिटल प्रालीको युट्युब च्यानलबाट सार्वजनिक गरिएको गीतको भिडियो नविन निरौलाले सम्पादन गरेका छन् भने मुख्य छायांकनमा गुणदेव घिमिरेले साथ दिएका छन्।
प्रतिक्रिया