कैलाली- सुदूरपश्चिम प्रदेशसभा बैठकले लोकसेवा आयोगसम्बन्धी विधेयक संसदमा पेश गरेको छ ।

मंगलबार बसेको प्रदेशसभाको बैठकमा आन्तरिक मामिला तथा कानूनमन्त्री प्रकाशबहादुर शाहले प्रदेश लोकसेवा आयोगको गठन, काम, कर्तव्य र अधिकारका सम्बन्धमा व्यवस्था गर्न बनेको विधेयक २०७६ टेबुल गरेका हुन् ।

बैठकपछि सञ्चारकर्मीसँग कुरा गर्दै उनले विधेयक पारित भएपछि प्रदेश सरकारलाई आवश्यक पर्ने कर्मचारीको व्यवस्थापन हुने भई सरकार मातहतका कार्यालय एवं निकायको काम प्रभावकारी ढङ्गले अघि बढाउन सहज हुने बताए ।

प्रदेश सरकारका विभिन्न मन्त्रालय, मातहतका कार्यालयका साथै सङ्घीय सरकार मातहतका कार्यालयमा अझै पनि दरबन्दी सङ्ख्याअनुसारका कर्मचारीको पूर्ति हुन सकिरहेको छैन ।