भोजपुर– भनिन्छ, आमाका लागि आफ्नो प्राणभन्दा पनि सन्तान प्यारो लाग्छ । तर, भोजपुरमा एक आमाले भने आफ्नो ३ वर्षीय छोराको विभत्स हत्या गरेकी छन् ।

जिल्लाको रामप्रसाद राई गाउँपालिकाको बासीखोरा घर भएकी एक २५ वर्षीया आमाले ३ वर्षीय छोराको खुकुरीले घाँटी रेटेर हत्या गरेकी हुन् ।

हाल भोजपुर नगरपालिका– ९ पानीट्याङकी बस्ने सूर्य थापाकी २५ वर्षीया श्रीमती सम्झना थापाले आफ्नै तीन वर्षीय छोरा सम्बोधन थापाको खुकुरी प्रहार गरी हत्या गरेको प्रहरीले जनाएको छ ।

प्रहरीका अनुसार सम्झनाले आफ्ना ३ वर्षीया छोरालाई अचानोमा राखेर दुई टुक्रा पारिदिएकी छन् । स्थानीयले भने सम्झनाको मानसिक अवस्था ठीक नभएको बताएका छन् ।

प्रहरीले सम्झनालाई नियन्त्रणमा लिएर थप अनुसन्धान अगाडि बढाएको छ ।