काठमाडौं – लोक संगीतको क्षेत्रमा निरन्तर क्रियाशील गुल्मेली संगीतकार तथा सर्जक बिजु ब्रजको निधन भएको छ । बज्रको हृदयाघातका कारण निधन भएको पारिवारिक स्रोतले जनाएको छ ।

पचासको दशकमा निकै लोकप्रिय संगीतकार बज्रले दर्जनौँ चर्चित गीतमा संगीत दिएका छन् । पाँच वर्षअघि पनि बज्रलाई दुईपटक हृदयाघात भएको थियो । हृदयाघात भएपछि उनलाई तत्कालै काठमाडौंको सिभिल हस्पिटल पु–याइएको थियो ।

उनले झरी परिरह्यो मनमा थामिँदैन आँसु, बिस्तारै छायो आँखामा अँध्यारो, तिमी मभन्दा कोषौँ टाढा छौ, परेवाको जोडी उडेको देख्दा, तिम्लाई सम्झिँए लगायतका चर्चित गीतमा संगीत दिएका छन् । बज्र गुल्मी कलाकार समाज, काठमाडौंका प्रथम उपाध्यक्ष रहेर पनि संगीत क्षेत्रमा सक्रिय थिए ।

गुल्मीमा जन्मेका ब्रजलाई संगीत क्षेत्रका कलाकारले श्रद्धाञ्जली व्यक्त गरेका छन् ।