काठमाडौं – चलचित्र ‘मन्द मन्द’ निर्माण हुने भएको छ । सस्पेन्स कथामा निर्माण हुने फिल्ममा राजबहादुर सानेको लेखन तथा निर्देशन रहनेछ । यस्तै फिल्ममा प्रमोद अग्रहरी, रविन्द्र झा र विनय श्रेष्ठको शीर्ष भूमिका रहने पक्का भएको छ ।
निर्माण टिमले फिल्मका अन्य कलाकार फाइनल हुन अझै बाँकी रहेको जनाएको छ । वैशाख अन्तिमबाट छायांकनमा जाने भनिएको यो फिल्ममा टेकराज रेग्मी र कमल गिरीको लगानी रहनेछ । यस्तै फिल्मलाई काठमाडौं, बुटवल, कोहलपुर, सुर्खेत, कालीकोट, जुम्ला लगायतका स्थानमा खिचिने जनाइएको छ ।
फिल्मको छायांकन दिव्यराज सुवेदीले गर्नेछन् भने कोरियोग्राफी रामजी लामिछानेले गर्नेछन् । फिल्मले नेपाली समाजको विद्यमान समस्यालाई कथानक बनाउनेछ ।
प्रतिक्रिया