काठमाडौं– भारतीय क्रिकेटका दुई हस्ती कप्तान विराट कोहली र रोहित शर्माले नेतृत्व गरेका टोली रोयल च्यालेन्जर्स बैंङ्लोर तथा मुम्बई इन्यिडन्सबीचको खेल हुँदैछ । एम चिन्नास्वामी रंगशालामा हुने खेलमा घरेलु टोलीलाई मुम्बई चुनौती दिँदैछ ।

एक—एक खेल खेलेका बैंङ्लोर र मुम्बई दुबै पहिलो खेलमा पराजित भएका थिए । आफ्नो दोस्रो खेलमा बैंङ्लोर र मुम्बई एकअर्कामाथि जीत निकाल्ने लक्ष्यमा रहेका छन् ।

कप्तान कोहली र अर्का कप्तान शर्मा भारतीय क्रिकेटमा जतिचर्चामा छन् त्यति नै बढी अन्तर्राष्ट्रिय क्रिकेटमा पनि । भारतबाट टि—ट्वान्टी क्रिकेटमा सर्वाधिक रन बनाउनेमा रोहित शर्मा शीर्ष स्थानमा छन् भने कोहली दोस्रो स्थानमा रहेका छन् ।

विश्व चर्चित दुई खेलाडीले नेतृत्व गरिरहेका बैंङ्लोर र मुम्बईबीचको खेल रोमाञ्चक हुने अनुमान लगाइएको छ । मुम्बई आईपीएलको सफल टोलीमध्येमा पर्दछ भने बैंङ्लोर तीन पटक फाइनल प्रवेश गरेपनि उपाधि उचाल्न सकेको छैन् ।

रोहित शर्माको टोली मुम्बईले सन् २०१३, २०१५ र २०१७ मा गरी तीन सिजनको आईपीएल उपाधि उचालीसकेको छ भने कोहलीको नेतृत्वमा रहेको बैंङ्लोर सन् २०१६, २०११ र २००९ मा फाइनल प्रवेश गरेपनि उपविजेतामै सीमित बनेको हो ।

बैंङ्लोरमा हुने खेलमा मुम्बईले घरेलु दर्शकमाझ आईपीएलमा आफ्नो पहिलो जीत निकाल्ने योजना सहित मैदान उत्रिने छ भने पहिलो खेलमा कमजोर ब्याटिङ गरेको बैंङ्लोर आफ्ना प्रसंशकलाई खुसी पार्ने योजनाका साथ मैदान उत्रिनेछ ।