बङ्गलादेशको राजधानी ढाकामा रहेको एक भवनमा भीषण आगलागी भएको छ ।
ढाकाको बनानी भन्ने क्षेत्रमा रहेको अग्लो भवनमा आगलागी भएको हो । आगलागीमा कम्तीमा १ जनाको ज्यान गएको अधिकारीले जनाएका छन् ।
त्यस क्षेत्रमा आगो निभाउनका लागि आवश्यक पानीको हाहाकार रहेकाले आगलागी नियन्त्रण गर्ने प्रयास कमजोर हुँदै गएको बताइएको छ ।
आगलागीको कारणबारे केही खुलाइएको छैन । यद्यपि अधिकारीले त्यसको अनुसन्धान गरिरहेको बताएका छन् ।
१९ तल्ले भवनभित्र अरु दर्जनौँ मानिसहरु फसेको हुनसक्ने र उनीको उद्धार प्रयास भइरहेको बाङ्लादेशको द डेली स्टार पत्रिकाको अनलाईन संस्करणले जनाएको छ । आगलागी भीषण भएकाले मृतकको सङ्ख्या बढ्नसक्ने बताइएको छ ।
प्रतिक्रिया