भारत– विहारको गयामा पूर्व एमएलसी तथा बीजेपीका नेता अनुज कुमार सिंहको घरमा नक्सलवादीले आक्रमण गरेको छन् । नक्सलवादीले घरमा डाइनामाइट लगाएर विस्फोट गराउँदा घर क्षतिग्रत भएको छ ।

विस्फोटमा कुनै मानवीय क्षती नभएको भारतीय सञ्चारमाध्यमहरुले जनाएका छन् । विस्फोटमा संलग्न नक्सलवादी खोजी गरिरहेको प्रहरीले जनाएको छ ।

विस्फोटमा परेको डुमरियाका पूर्व एमएलसी अनुज कुमार सिंहको घर हो । यो घरमा उनका काका र उनका परिवारका सदस्य बस्ने गरेका थिए ।

नक्सलवादीले बुधबार राति करिब ११ बजे घरमा विस्फोट गराएका थिए । यसका साथै अनुजका भाई जयलाई उनीहरुले पिटेका थिए ।
भारतीय सञ्चारमाध्यमहरुका अनुसार पूर्व एमएलसी अनुज कुमारलाई नक्सलवादीले धम्की दिइरहेका थिए । नक्सलवादीले लोकसभा चुनाव बहिष्कार गरेका छन् ।