काठमाडौं– ३० लाख रुपैयाँ नगदसहित काठमाडौंबाट २ जना हुण्डी कारोबारी पक्राउ परेका छन् ।
महानगरीय अपराध महाशाखाको टोलीले काठमाडौंको न्युरोडबाट ३० लाख रुपैयाँ नगदसहित हुण्डी कारोबारीलाई पक्राउ गरेको हो ।
अपराध महाशाखाका अनुसार बिहीबार दिउँसो न्युरोडबाट ३० लाख रुपैयाँसहित अर्घाखाँचीको शीतगंगा घर भएका २३ वर्षीय कृष्ण प्रसाद भट्टराई पक्राउ परेका थिए ।
भट्टराईले बोकेको पैसा अन्जली ओभरसिजका सञ्चालक गोवर्धन प्रसाद सरावगीले दिएको तथ्य फेला परेपछि प्रहरीले सरावगीलाई पनि पक्राउ गरेको छ ।
काठमाडौंको नरदेवी बस्दै आएका सरावगी यसअघि पनि हुण्डी कारोबारमा सक्रिय रहेको प्रहरीको भनाइ छ ।
प्रतिक्रिया