काठमाडौं – हरेक वर्ष दिपावलीको अवसर पारेर आयोजना हुने कार्यक्रम ‘देउसी भैलो’ मा यसपटक व्यङ्ग्यकवि शैलेन्द्र सिम्खडाको प्रस्तुति नहुने भएको छ । सिम्खडाले ‘माथिको आदेश’ भन्दै सिस्नुपानी नेपालले कार्यक्रममा प्रहसन नगर्ने भनेको प्रतिक्रिया दिएका छन् ।
आफ्ना चोटिला व्यङ्ग्य कविताका कारण सधै चर्चामा रहने सिम्खडाले आफ्ना व्यङ्ग्य चेतका कारण धेरैको ध्यान तान्ने गर्थे । यसपटक भने आफूलाई आयोजकले ‘माथिको आदेश’ भन्दै कार्यक्रममा सहभागी नगराएको व्यङ्ग्यकार सिम्खडाले बताएका छन् ।
आफ्नो प्रस्तुति नेताहरुले मन नपराएका कारण देउसी भैलोमा सहभागी नगराएको सिम्खडाले आरोप लगाए पनि यता सिस्नुपानी नेपालका मनोज गजुरेलले भने संस्थागत रुपमा माथिको दबाब नआएको दाबी गरेका छन् । त्यस्तै सिस्नुपानी नेपालका अध्यक्ष लक्ष्मण गामान्गेले शैलेन्द्र सिम्खडा सदस्य नभएको बताएका छन् ।
‘जहाँसम्म माथिको दबाबको कुरा छ, संस्थागत रुपमा कसैको दबाब आएको थाहा छैन, मलाई व्यक्तिगत रुपमा कसैले आदेश दिने कुरै भएन किनभने म जनमतको कदर गर्दै अन्तर्मनको आदेशले चल्ने गर्छु,’ मनोज गजुरेलले भनेका छन्, ‘म राम्रोलाई राम्रो भन्छु, नराम्रोलाई नराम्रो भन्छु, यदि कुनै छिद्रबाट त्यस्तो कुनै दबाब वा आदेश आएको थाहा पाएका दिन म त्यहाँ रहने छैन ।’
हास्यकलाकार गजुरेलले यसपटक मदनकृष्ण श्रेष्ठका छोरा यमन श्रेष्ठले प्यारोडी गर्ने भएकाले शैलेन्द्र छुटेको बताएका छन् ।
सिस्नुपानी नेपालले हरेक तिहारमा देउसी भैलो कार्यक्रममा आयोजना गर्ने गरेको छ । यस वर्षको व्यङ्ग्यात्मक देउसी भैलो कार्यक्रम शुरु भइसकेको छ । सिस्नुपानीले २२ औँ संस्करणको देउसी भैलो कार्यक्रम लक्ष्मीपूजाका दिन (आज) नेपाल प्रज्ञा प्रतिष्ठानको सभाकक्षमा प्रस्तुत गर्दैछ ।
यस्तो छ सिस्नुपानी नेपालका अध्यक्ष लक्ष्मण गामान्गेले जारी गरेको प्रेस रिलिज:
प्रतिक्रिया