काठमाडौं– नेपाली सेनाका कर्मचारीले आफ्ना सन्तानको अध्ययनका लागि २५ लाख रुपैयाँसम्मको शैक्षिक कर्जा पाउने भएका छन् ।
सैनिक कल्याण कोषले हिताधिकारी सैनिक कर्मचारीका सन्तानलाई स्वदेश तथा विदेशमा अध्ययन गर्नका लागि वार्षिक ५ प्रतिशतका दरले २५ लाख रुपैयाँसम्मको सहुलिय ऋण लिन पाउने भएका हुन् ।
ऋणका लागि सैनिक कल्याणकारी कोष र प्रभु बैंकबीच सम्झौता भएको छ । यस्तो ऋण लिनका लागि ५ लाख रुपैयाँसम्म व्यक्तिगत धन जमानी र सोभन्दा माथिको हकमा सम्बन्धित बैंकलाई मान्य हुने धितो सुरक्षण उपलब्ध गराउनुपर्ने सैनिक कल्याणकारी कोषले जनाएको छ ।
यस्तो कर्जा फागुन २० गतेदेखि लागू हुने जनाइएको छ ।
प्रतिक्रिया