काठमाडौं– भारतले पाकिस्तानको लडाकु विमान खसालेको दाबी गरेको छ ।

अमेरिकामा निर्मित एफ १६ लडाकु विमान खसालेको दाबी गरेको हो । भारतले पाकिस्तानको सीमाभित्र ३ किलोमिटको दूरीमा भारतीय सेनाले पाकिस्तानको लडाकु विमान खसालेको दाबी गरेको हो ।

त्यसअघि पाकिस्तानले पनि रुसमा निर्मित मिग १७ नामक भारतीय लडाकु विमान खसालेको दाबी गरेको थियो । त्यस क्रममा दुई एक जना पाइलटलाई नियन्त्रणमा लिएको दाबी पाकिस्तानका सेनाका प्रवक्त मेजर जनरल आशिफ गफुरले दाबी गरेका छन् ।

तर, भारतीय सञ्चारमाध्यमहरुले भने दुईवटा भारतीय लडाकु विमान दुर्घटनामा परेको र दुई जना पाइलटको मृत्यु भएको दाबी गरेको छ ।

पछिल्लो समय भारत र पाकिस्तानबीच तनाव खतरनाक स्तरमा पुग्दै गर्दा दुबै मुलुकको एक अर्काको लडाकु विमान खसालेको दाबी गरेका हुन् ।

यद्यपि दुबै मुलुकले गरेको दाबीको स्वतन्त्र पुष्टि हुन सकेको छैन ।