काठमाडौं – गायक दीपक बज्राचार्यले फिल्म ‘मारुनी’ को एक गीतमा स्वर दिएका छन् । पछिल्लो समय ‘मन मगन’ गीत गाएर चर्चामा रहेका बज्राचार्यले फिल्मको एक रोमान्टिक गीत गाएका हुन् ।

काठमाडौंको कृपा डिजिटल स्टुडियोमा रेकर्ड गरिएको ‘जाम् न माया जाम्’ बोलको गीतमा बज्राचार्यको संगीत तथा स्वर सुन्न सकिनेछ ।

दीपकले यसअघि धैरै पहिले फिल्ममा गीत गाएपनि निर्माताले भनेअनुसार गाउनुपर्दा फिल्मका गीततर्फ रुचि नदेखाएको बताए ।

यो गीत झण्डै ६ महिना लगाएर तयार पारिएको निर्मात्री समेत रहेकी पुनम गौतमले बताइन् । गीतको भिडियोमा फिल्मका शीर्ष कलाकार पुष्प खड्का र साम्राज्ञी राज्यलक्ष्मी शाहलाई अभिनय गराइने निर्मात्री पुनमले बताइन् ।

फागुन १८ गतेबाट फ्लोरमा जाने यो फिल्मले अर्को वर्षको भदौ १३ गतेलाई रिलिज मिति घोषणा गरेको छ । फिल्ममा नवल नेपालको निर्देशन रहनेछ ।