काठमाडौं– आईसीसी महिला ट्वान्टी–२० विश्वक क्रिकेटको एसिया छनोटको अन्तिम खेलमा नेपालले कुवेतसामू १ सय १७ रनको लक्ष्य प्रस्तुत गरेको छ ।
थाइल्याण्डको बैंकस्थित एसियन ईन्सटिच्यूट अफ टेक्नोलोजीको मैदानमा पहिले ब्याटिङ गरेको नेपालले कुवेतलाई १ सय १७ रनको लक्ष्य दिएको हो ।
नेपाले २० ओभर खेल्दै ७ विकेट गुमाएर १ सय १६ रनको योगफल बनायो ।
नेपालका लागि विन्दु रावलले अविजीत रहँदै सर्वाधिक २८ रन बनाइन भने कप्तान रुबिना क्षेत्रीले २२ रन बनाइन् ।
यस्तै, नेरी थापाले १८, काजल श्रेष्ठले १८ रन बनाउँदा इन्दु बर्मा र रोमा थापाले समान ७–७ रन बनाइन् ।
प्रतिक्रिया