काठमाडौं– लगातार १सय२४ घण्टा ३० मिनेट किताब पढेर मुकेश जोशीले गिनिज बुक अफ वर्ल्ड रेकर्डमा आफ्नो नाम लेखाएका छन् ।

छ दिन पाँच रात लगातार किताब पढेका जोशीले विश्व किर्तिमानी बनाएका छन् । सुदुरपश्चिम प्रदेशको पहाडि जिल्ला बझाङका जोशीले उक्त समय पुरा गर्न २२ किताब बढेको आयोजक गिनिज इभेण्टले जनाएको छ ।

जोशीले असोज ५ गते बिहान ११ः३० बजेदेखि पढ्न शुरु गरेका थिए भने शुक्रबार दिउँसो ४ः१० बजेसम्म पढेका हुन् ।

यसक्रममा उनले इतिहास, विभिन्न प्रख्यात व्यक्तिहरूको जीवनी तथा अन्य उपलब्ध किताब पढेको बताए ।

यसभन्दा अगाडि यो विधामा नेपालकै दीपक शर्माको नाम थियो । उनले ११३ घण्टासम्म पढेर सन् २००८ मा गिनिज बुकमा नाम लेखाएका थिए । जोशीले प्रमाणपत्र पाउन भने बाँकी रहेको छ ।