काठमाडौं– काठमाडौंमा जारी तेस्रो संस्करणको १८ वर्षमुनिको साफ च्याम्पियनसिप फुटबलको उपाधिका लागि भारत र बंगलादेश भिड्ने भएका छन् ।
शुक्रबार भएका सेमिफाइनलमा भारतले माल्दिभ्सलाई र बंगलादेशले भुटानलाई पराजित गरेको हो । सशस्त्र प्रहरी बलको मुख्यालय हलचोक मैदानमा भएका सेमिफाइनलका दुवै खेलमा ४–० को समान नतिजा आएको हो ।
समूह चरणमा भारत र बंगलादेशले गोलरहित बराबरी खेलेकाले आइतबार हुने फाइनल भिडन्त रोचक हुने अपेक्षा गरिएको छ । यसअघिका दुवै संस्करणको उपाधि विजेता नेपाल भने घरेलु मैदानमा समूह चरणबाटै बाहिरिएको थियो ।
नेपालले माल्दिभ्ससित १–१ को बराबरी खेल्दा भुटानसित ३–० को हार व्यहोरेको थियो ।
प्रतिक्रिया