मुम्बई – हिन्दी फिल्म ‘वार’ को ट्रेलर सार्वजनिक गरिएको छ । ऋतिक रोशन र टाइगर श्राफको द्वन्द्व ट्रेलरमा देख्न सकिन्छ । फिल्म टिजर सार्वजनिक गरेदेखि नै चर्चामा थियो । अझै ट्रेलरले थप चर्चा चुलिने पक्का छ ।

ट्रेलरमा टाइगर श्राफ र ऋतिक रोशनका कैयन् एक्सन दृश्य देख्न सकिन्छ । फ्यानले ट्रेलरलाई हलिउडको फिल्मसँग तुलना गरेका छन् । ट्रेलरका अनुसार ऋतिकले यो फिल्ममा खलनायकको भूमिका निभाएका छन् ।

यो फिल्ममा वाणी कपूरको पनि शीर्ष भूमिका रहनेछ । सिद्धार्थ आनन्दले निर्देशन गरेको यो फिल्म २ अक्टोबरमा रिलिज हुँदैछ ।