काठमाडौं – चलचित्र ‘ऐश्वर्य’ बाट चर्चा कमाएका निर्देशक दिवाकर भट्टराई फिल्म निर्माणमा जुटेका छन् । खबरका अनुसार उनले चलचित्र ‘तिमीसँगै हुने मन छ’ बाट निर्माणमा समेत हात हालेका हुन् । फिल्ममा निर्देशन पनि उनकै रहनेछ ।

दशैँबाट फिल्मको छायांकन थालिने भनिएको यो फिल्म ओम नमः शिवायः प्रोडक्सनको ब्यानरमा निर्माण हुनेछ ।

चलचित्रका बारेमा अन्य जानकारी दिइएको छैन । यता फिल्ममा नायिकाका रुपमा दीपिका प्रसाई‍ हुने सम्भावना छ । दीपिका र दिवाकरले चलचित्र ‘ऐश्वर्य’ मा सँगै काम गरेका थिए । अहिले भने यी दुई पतिपत्नी समेत हुन् ।

पूर्णत लभस्टोरी फिल्म भनिएको यो फिल्मको कथामै काम भइरहेको जनाइएको छ । फिल्ममा नयाँ तथा पुराना कलाकार हुने जनाइएको छ ।

यसअघि दिवाकरले अनमोल केसीलाई लिएर चलचित्र ‘क्याप्टेन’ बनाएका थिए । उक्त फिल्म बक्स अफिसमा फ्लप भएको थियो । यद्यपि उनले स्टुटिप मन र ऐश्वर्यबाट भने राम्रै चर्चा पाएका थिए ।